…. المطربين عن الفن ! ….

كتب مالص الفيش

مرحبا جميعا … أمانة لا حدا يؤوم ..

يا سيدي ..

وباء المطربين الجدد

أو هدول البوكيمونات يللي بتشوفوهون عم يطلعو بالتلفزيون شي على أحمر شي على أخضر ..

هدولة .. يمكن عندون قدرة على الانقسام الذاتي ! … أو يمكن بيتكاثرو عن طريق الأبواغ ..

ما بعرف !

بيكونو بعلمك شي ميت واحد مثلا ..

تركون شي اسبوعين … خود استراحة يعني .. ورجاع فتاح التلفزيون بعدين … بتلائيهون صارو شي خمسمية ! ..

وكل أغانيهون يعني من نوع : اليوم بعد الضهر رحت تمشيت بالشارع بعدين رحت أكلت كيس شيبس بعدين رحت لعند رفيئي …

يعني يمكن بيخترعو كلماتون أبل نص ساعة من التصوير ..


لأ وأهم شي … اللوك ..

لا حدا يئلي ..

صرت تسمع هلكلمة علطالعة وعالنازلة ..

” لوك جديد ! ” ..

” انا والله ناوي غير اللوك ” ..

” نازلة ب لوك لزيز هايص مأطأط طالعة بتتأرمش أرمشة ”

يعني لأول وهلة بتحس المذيعة عم تحكي عن شي نوع كورن فليكس جديد أو شي بسكوت “ويفر” ( يللي بيكتبوها على البسكوت ويللي لهلأ ما بعرف شو معناتا .. )

المهم ..

هلأ بتلائي الشاطر من المغنين يللي بدو ينزل المحرك تبعو ..

بتلائي المغنية الفلانية .. بشي مقابلة.. عم تؤول أنا عملت شيتوفلاناتافاخافيزوف ..

(بتفهم بعدين من المقابلة ومن خلال الحكي أنو معناتو نفخ شفايف ) ..

عادي .. ماعندا مشكلة أنو تعترف بهلشغلة ..

وللا التانية … بتطلع عاملة شافانتوهارفاخ (أو شي كلمة بالفرنسي) .. شو بأة هي ؟

بتطلع آخر الشي عاملة تكبير صدر ..

ومو بعيدة بعد شي سنة أو سنتين تصيرو تلاؤو بالجرايد اعلانات من هلنوع :

ورشة أبو فؤاد لبخ و تجليس نجوم الفن الحديثة
+++++++++++++++++++++++++++

خراطة .. شفط .. تركيب كواع .. انوف .. تعديل تشنيكات .. جلخ نيع .. تنجيد كراسي خدود ..
تطويل سوالف .. ( أسعار جديدة! .. كل نص متر 500 ليرة فقط ) ..

وصلنا تشكيلة جديدة من الأصوات الحديثة ..

عرض خاص : انفخ شفتك واحصل على تجليس بوز مجانا ..

متوفر آلة حديثة للتجليس على الكومبيوتر ..

دقة .. سرعة في انجاز الطلب .. جاهز أو تفصيل ..

متخصصون في تصليح الباجوء ..

اعمل ثلاث عمليات للصوت واحصل على سكسوكة مجانا ..

بضاعتنا مكفولة 3 سنوات أو 5000 أغنية .. ايهما أقرب ..

ايييييييه

شايفين يللي ما بيشرب حليب شو بيصير فيه ؟

.
.
.
.

على الهامش :

من حوالي سنة وشوي أحد زملائي في دبلوم الدراسات العليا بالجامعة ترك وصار مغني !

إقرأ المشاركة مع الردود في منتديات شباب أون لاين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

This site uses Akismet to reduce spam. Learn how your comment data is processed.