كيف ستنتهي أزمة خطوط ADSL …؟

منذ أكثر من ستة أشهر لم تزل أزمة خطوط الـ ADSL قائمة! المئات تتقاذفهم الآمال من شهر إلى آخر. تذهب إلى مقسم الهاتف في الشهر السادس فيقولون لك ارجع في بداية الشهر القادم! تعود في الشهر السابع فيقولون لك (مافي ADSL ) بالطبع عليك أن تتجاهل كيف يطلق عليه بعض الموظفين CDL أو CDN وبعضهم الآخر يخلط بينه وبين ISDN !!!
ستتجاهل كل هذا وأنت تخرج من مقسم الهاتف جارّا أذيال الخيبة والهزيمة.
تعود في الشهر الذي يليه ليؤكد لك الموظف بأنه خلال أسبوعين على الأكثر سيتم تركيب الدارات الجديدة, حينها ستحلم باللحظة التي سيصبح عندك خط انترنت 24 ساعة في منزلك أو مكتبك, وستحلم بالكم الهائل الذي ستقوم بتحميله من الأفلام والأغاني والبرامج, وسوف تبدأ مباشرة بالبحث في كيفية تسريع برامج تحميل التورنت Torrent كي تكون جميع أمورك جاهزة عندما تشترك بالخدمة.
حسناَ, لا شيء في الشهر الذي يليه سوى أخبار عن وزير الاتصالات الجديد الذي وعد بتركيب عدد من الدارات الجديدة قبل نهاية العام وعدد كبير مع بداية العام القادم ناهيك عن تخفيض سعر الخدمة.
كل هذا جميل ستشعر بالفرح قليلا لكنك ستكتشف في الشهر الذي يليه ثم الذي يليه أن لا شيء على أرض الواقع!!!
ما الحل؟ لقد أصابك الجدب والقحط من خط الـ Dial up, للأسف لا حل سوى الانتظار.
وتمضي الشهور والأيام والأيام والشهور ويشارف العام 2006 على نهايته الحتمية ويشعر الناس بالفرح ليس بمناسبة حلول العام 2007 بل لأن جميع الموظفين ورؤساء مقاسم الهاتف والوزراء أقسموا أغلظ الأيمان بأن العام الجديد سيشهد انفراجا في أزمة خطوط ADSL.
تتسارع أيام نهاية العام ويتسارع معها حماسك, يبدأ العام الجديد .. اليوم عطلة .. غدا لا بدّ أن تنزل الخطوط .. غريب لم ينزل شيء بعد ..
اتصال مع رئيس مقسم الهاتف يخبرك به أن الدارات الجديدة باتت جاهزة وفي مكانها لكنه لا يستطيع أن يمنحك أي دارة لأنه لم يتلقّ بعد أمرا بالمباشرة في تسليم الدارات للمشتركين ..
يوم .. يومان … ثلاثة أيام … يقول لك نعم الدارات جاهزة لكننا لم نتلقّ أمر المباشرة بعد ..
بعد حوالي ستّون ألف واسطة ورجاء و … أشياء أخرى يسميها المهذبون بالاكرامية وغير المهذبين بالرشوة يعدك رئيس مقسمك بأن يعطيك أول دارة يقوم صاحبها بإلغاء اشتراكه بها على اعتبار أنه لا يستطيع منحك أي دارة من الدارات الجديدة ولكن .. بعدها يقوم مدير مشروع الانترنت الجديد بإصدار قرار يقضي بحَجر على دارات الـ ADSL سواءا الجديدة أو القديمة منها وذلك بعدم تخصيص أي بوابة ADSL لأي مواطن سواء من البوابات القديمة أو الجديدة على حد سواء, أي حتى لو قام مشترك قديم بإلغاء اشتراكه فيمنع تقديم تلك البوابة لمشترك آخر!
هذه صورة عن التعميم الصادر في السابع من الشهر الجاري، إضغط على الصورة لمشاهدتها بالحجم الطبيعي:


مممم, حسنا … نحن ننتظر بوابات الـ ADSL وكل الوعود الموعودة وإذ نُفاجىء بقرار يزيد من حالة الحصار تلك!
ما السبب يا تُرى؟؟
مرحباَ بالقادم الجديد! شركة عالمي التابعة لسيريَتل …
قال لي أحد موظفي سيريتل المتحمسين بأن الشركة ستزود المقاسم خلال الشهر الثالث من هذا العام ببوابات ADSL وعلى حسابها الخاص, ولكن كي تشترك في خدمة ADSL عند شركة عالمي لا بد أن يتم منحك دارة من بين الدارات الخاصة بشركة عالمي فقط.
حسناَ هذا قد لا يُشكل فرقا بالنسبة لك ولكن …
هنا تبدأ الإشاعات بالانطلاق, والاشاعات تحتمل الصدق وتحتمل الكذب وأنا هنا لا أتبنى بالضرورة ما يُقال, إذ يتبادل الناس أخبارا عن أن هذا الحَجر الصحي على خطوط الـ ADSL سيمتد حتى الشهر الثالث, موعد افتتاح خدمة ADSL عند عالمي … عفواَ, إن أردت توخي الدقة فهو سيمتد إلى ما بعد افتتاح شركة عالمي بفترة حين سيندفع الآلاف المُتحرّقين للاشتراك بالخدمة التي سيكتشفون أنها متوفرة فقط عند شركة عالمي لأنه لا حظر على بوابات عالمي لكن الحظر على بوابات الدولة مستمر. ثم بعد شهر ربما وبعد أن يكون لم يعد من أحد يحتاج للاشتراك سيصدر قرار آخر يُلغي القرار أعلاه ويسمح بالافراج عن بوابات ADSL التابعة للدولة.
لا أدري إن كان في هذا الكلام مبالغة لكن هنا في سوريا بات المواطن السوري يتوقع كل شيء …
كل شيء …

11 رأي حول “كيف ستنتهي أزمة خطوط ADSL …؟”

  1. طبعاً بدك تتوقع أي شي سعر خط ال adsl صار 100 ألف ليرة يعني بتشتري فيه مقسم بحاله 🙂 مو خط إنترنت

    الناس صارت تبيع خطوطها كرمال تربح صارت المتاجرة بخطوط adsl أربح من تجارة العقارات

    في واحد بعرفو فتح كافيه بالمزة دفع 40 ألف لرئيس مقسم مشان يلغي أشتراك مشترك و يعطيه لواحد غيره صارت الواسطات و الأمن يضغطو للحصول على خط و بيعه و كل هادا الشي و البوابات الجديدة موجودة بس ما في اوامر

    الله كريم بكرا بتجي الأوامر من سريتل بتذكر الجيش الأردني بحرب الانقاذ 1948 فلسطين ضاعت و اتلجيش الأردني واقف على الحدود بيستنى الأوامر

    رد
  2. أنا عند ADSL بس على القديم يعني مع بروكسي …. مالي مستفيدج منه غير فتح صفحات انترنت … بدي الغيه, بس عرفت انو ممكن وقت يصير في PDN كمان ممكن غيّر اشتراكي لـ PDN ببلاش …. فا عم انتظر! …. ما بقدر الغي الاشتراك لأنو بعرف ما حا اقدر أمّن واحد تاني!….

    رد
  3. يا سيدي انا بزمناتي قريت خبر على سيريا نيوز اذا مالي غلطان و انا متأكد انو مالي غلطان لاني قريت الخبر بعيوني هاد الحكي بالشهر السادس
    الخبر مفاده انو وزارة الاتصالات تعاقدت مع شركة مدري شو الصينية واتفقوا على ان تقوم الشركة بتركيب مليون خط adsl خلال سنة يعني بنهاية 6/2007 بدهن يكونو خالصين و كمان قال انو بدهن يسلمو اول 100000 خط خلال شهرين و الباقي بعدين
    وحاكي وزير الاتصالات عن الميزات يلي لح تصير و اهم شي انو بدهن يرخصوا التكلفة كتير يمكن على هوا ما اذكر ال 1 ميغا ب 1000 ليرة بالشهر
    هلا لح تسالوني ليش انا شاكك بحالي لح قلكن لاني بعد ما قريت الخبر رحت عالمقاسم و سالت ناس وامت وحطيت و كل العالم و الموظفين اكدولي انو ما في شي من هاد الحكي واقتنعت باني كنت عم احلم
    بس يا جماعة والله قريت الخبر ………. يعني اي نعم الهمك خلتني بنص عقل بس لسى في نص تاني ما شي حاله عم يشتغل احياناً

    رد
  4. مرحبا محمد …

    بس حتى ما تشك بحالك أنك غلطان بحب طمنك أنك مالك غلطان …
    هالحكي كله صحيح وصرلنا من وقت هالخبر عم ننتظره …

    وننتظر ..

    وننتظر ..

    رد
  5. والله كلامك صحيح 100% الموظفين في مقسم الشهباء بحلب صاروا يعرفوني من دخولي لعندهم ومن بعيد تشوف إشاراتهم أنو لا يوجد اي خط دي اس ال
    يعني والله الحالة صارت لا تطاق
    الواحد منا صار معو الف علة من الديل آب
    وإذا كان بدك خط ديل اب مع اشتراك شهري
    فسوف تلاحظ أنك تدفع بسعر خط الدي اسل ال
    وذلك بحسبة بسيطة
    الإشتراك بـ 1400
    يضاف إلى كل ساعة 6 ليرات للمؤسة العامة للإتصالات [ المحترمة ]
    يعني إذا دخلت في اليوم الواحد ساعات بيكون 5*30*6
    الناتج بكون 2400
    ومع العلم أنني اقوم بتحميل الكثير من المواد التعليمة
    إلا أنه في الآونة الأخيرة اصبح الجميع يحمل الدروس على صيغ الفيديو [ مفكرين كل الناس صار عندهم خطوط سريعة ] أما نحن السورين فما إلا الكافيه ………..
    بينما تجد مثلاُ في مصر الإشتراك بسرعة 256 بـ 90 جنيه وفقط اتصل لتحصل على الخدمة
    وفي المغرب الإشتراك بـ 1 ميغا ما يعادل على الليرات السورية بـ 1500 ليرة سورية
    الحالة صارت تعبانة كتير
    وبدها حل
    وأنا لسه في عندي أمل في الشهر القادم يتم فتح الدرات مع أني صار لي أكثر من سبعة أشهر على هذا الأمل

    رد
  6. السلام عليكم

    انتظر …………..؟؟؟؟؟؟؟؟؟؟؟؟

    وانتظر………؟؟؟؟؟؟؟؟؟؟؟ الوعود
    مجرد وعود

    نحن ننتظر شركة صينية لتقوم بتوسعة الشبكة

    في 1/6/2007
    فانتظر معي لاني مازلت انتظر مجئ الشركة

    واذا ما قدرت تنتظر
    مؤسسة الاتصالات عندها ميزة انتظار صار فيك تنزلها موجودة
    …………؟؟؟؟؟؟؟؟؟؟؟؟؟؟؟؟؟
    !!!!!!!!!!!!!!!!!!!!!!!!!!!

    رد
  7. مرحبا يا شباب انا ايهاب من حلب بس ساكن في مصر وبدرس هناك كلام الاخ طفشان صحيح
    نحنا في مصر الكلفة كتير رخيصة و على قولتنا بيركضوا ورا الواحد ركض و كنت بصراحة ناوي اركب خط dsl
    بس بعد ماسمعت هلااخبار والله كتير زعلت يعني معقولة كل هالتخلف عنا في سوريا والله عيب
    لامتى هيك الله يعنا بس و يعينكم شكرا

    رد
  8. انا كنت مقيم بالسعودية والان رجعت لحلب
    وحاولت كتير اركب خط دي اس ال لكن عبث

    ومقسمنا هو الشهباء او حلب جديدة

    فاللي عنده حل او خط يبيعني ياااااه يارييت

    0944788860

    رد
  9. و الله يا غاليين بصراحه خدمـة الدسـل ماني عارف لها بالضبط هي يا اخوان فيه فرق بين Dsl و الـ Adsl
    انا حسب ما سمعت الـ Adsl لو اخذت سرعه 1 ميجا حيكون
    الـ Download واحد ميجا و الـ upload واحد ميجا
    عكس الـ Dsl حتتقسم السـرعة يعني ما راح تكون واحد ميجا
    هل الخبر هذا صحيح أم لا … ؟؟
    و شكـرا لكم ع الخبر الحـلو المهم ايضا …
    xoxo

    رد
  10. مابدي أحكي وأعلق كتير أنا من حلب وأنا سوري وكندي معي الجنسية الكندية هههههههه طبعا مابدي أحكي عخطوط كندا أنو شبة بلااااااااااش وأصلا نصن ببلاش وبس خود خط هههههه رح أحكي عدبي أنو 150 درهم بدبي الإمارات شهري 24 ساعة وبربي وقسما بالله أنو بيومين كان الخط مركب أقسم بالله العظيم هي عم بحلف بيوووومين دي أس أل ببلد عربية مركب بفلسطين المحتلة الميتة التعبانة المقهورة بأسبوع بيتركب والناس كلها دي أس أل طيب عملو أنترنت فضائي ؟؟
    لك أنا بلدي بقول دائما إنها مريضة يعني بتطور ببططططططططططططء شديد يارجل جيت عحلب وعم بشتغل بالنت عخط تلفووون هههههههههههههههههههههههههههههههههههههههه مش غرور لا أعوذ بالله الحمد لله عالنعمة بس العقول ياللي عنا مجمدة بالفريزر يعني الواحد بيطمح للأحسن ياجماعة
    هون يارجل كلو بطء مابيعملو شي بسرعة ولأيمت بس أنتوا الغلط
    ((((((((( أيه الشعب غلط وجبان طلعو مظاهرة سلمية هيك بيضطر المسؤوول المقصر أنو يحرك بسرعة ويعمل شي ويشتغل شوبكم هيك بلدكم والله مارح ياكلوكم ههه مظاهرة كتابية ووقفوا قدام باب المقسم وبربي ماحدا بيحكي معكن )))))))) وباااااااااااي ولو ماعملتو هيك يبقى استنو ليجيكن شي ههه

    رد

أضف تعليق